ದೆವಾನ್ ಅಮ್ಕಾಂ ಸಬಾರ್ ದೆಣಿಂ ದಿಲ್ಯಾಂತ್ ಹಾಂತು ಗಾಯನ್ ಕರ್ಚೆಂ ದೆಣೆಂ ವಿಶೇಷ್ ಜಾವ್ನಾಸಾ. .ತಾಕಾ ಚಿಂತ್ಪಾಚಿ,ಧಯ್ರಾಚಿ ಅನಿಂ ಅಪ್ಲಿ ಭೊಗ್ಣಾ  ಎಕಾ ಗೀತಾ ದ್ವಾರಿ ವ್ಯಕ್ತ್ ಕರ್ಚ್ಯಾ ವಿಶೇಷ್ ಸಕ್ತೆಚಿ ಗರ್ಜ್ ಆಸಾ.

ಸಂಗೀತಾ ಮುಕಾಂತ್ರ್ ಮೊಸ್ತ್ ಬರೆಪಣ್ ಲಾಭ್ತಾ .ನವೆಂಬರ್ ೨೨ ಕೊಯಾರಿಸ್ತಾಂಚಿ ಸಾಂತಿಣ್ ಸಾಂ  ಸಿಸಿಲಿಯಾಚೆಂ ಫೆಸ್ತ್. ಪವಿತ್ರ್ ಸಂಗೀತಾಚಿ ಪಾತ್ರೊನ್  ಸಾಂ ಸಿಸಿಲಿಯಾ ಎಕ್ ಅಂಕ್ವಾರ್ ರಗ್ತ್ ಸಾಕ್ಶಿಣ್. ಆಮಿಂ ಸಾಂ ಪಾವ್ಲ್ ಫಿರ್ಗಜೆಚ್ಯಾ ಕೊಯಾರಿಸ್ತಾನಿ ಸಾಂಗಾತಾ ಮೆಳೊನ್ ಹೊ ದೀಸ್ ನವೆಂಬರ್ ೨೩ ತಾರೀಕೆರ್ ಸಾಂಜೆರ್ ೭ ವೊರಾರ್ ಇಗರ್ಜೆಚ್ಯಾ ಸಭಾ ಸಾಲಾಂತ್ ಆಚರಣ್ ಕೆಲೊ. ಹೊ ಸಂಭ್ರಮ್ ಆಮಿ ಪಯ್ಲೆಂ ಪಾವ್ಟಿಂ ಆಮ್ಚೆ ಫಿರ್ಗಜೆಂತ್ ಅಮ್ಚೆ ಮೊಗಾಳ್  ವಿಗಾರ್ ಬಾಪ್ ಪಾವ್ಲ್ ಸಿಕ್ವೇರಾ ಹಾಂಚ್ಯಾ ಮಾರ್ಗದರ್ಶನಾರ್  ಕರ್ಚೊ ಜಾವ್ನಾಸಾ. ತ್ಯಾ ದಿಸಾಚಾ ಕಾರ್ಯಕ್ರಮಾಂತ್ ವಿಗಾರ್ ಬಾಪ್ ಪಾವ್ಲ್ ಸಿಕ್ವೇರಾ,ಗೊವ್ಳಿಕ್ ಪರಿಷದ್  ಉಪಾಧ್ಯಾಕ್ಶ್ ಡಾ. ಪ್ರೀಡಾ ರೊಡ್ರಿಗಸ್,ಕಾರ್ಯದರ್ಶಿ ಶ್ರೀಮತಿ ನ್ಯಾನ್ಸಿ ಕಾರ್ಡೋಜಾ,ಸರ್ವ್ ಆಯೋಗಾಚಿ ಸಂಯೋಜಕಿ ಶ್ರೀಮತಿ ಲವೀನಾ ಸೆರಾವೊ, ಕೊಯಾರಾಚಿ ಅಧ್ಯಕ್ಷ್  ಶ್ರೀಮತಿ ಅನಿತಾ ಡಿಸೋಜಾ ವೆದಿರ್ ಹಾಜರ್ ಆಸ್ಲಿಂ. 

ಶ್ರೀಮತಿ ಅನಿತಾ ಡಿಸೋಜಾ  ಹಿಣೆಂ ಸ್ವಾಗತ್ ಕೆಲೊ. ಶ್ರೀ ವಿಲ್ಫ್ರೆಡ್ ಡಿಸೋಜಾ ಹಾಣಿಂ ಮಾಗ್ಣ್ಯಾವಿಧಿ ಚಲವ್ನ್ ವ್ಹೆಲಿ. ಶ್ರೀಮತಿ ಲವೀನಾ ಸೆರಾವೊನ್  ಕೊಯಾರಿಸ್ತಾಂಚಿ ಸಾಂತಿಣ್ ಸಾಂ ಸಿಸಿಲಿಯಾ ವಿಶಿಂ ಅಮ್ಕಾಂ ವಿವರುನ್ ತಿಳ್ಸಿಲೆಂ. ಡಾ. ಪ್ರೀಡಾ ರೊಡ್ರಿಗಸ್ ಹಾಣಿಂ ಸರ್ವಾಂಕ್ ಬರೆಂ ಮಾಗ್ಲೆಂ. ವಿಗಾರ್ ಬಾಪ್ ಪಾವ್ಲ್ ಸಿಕ್ವೇರಾ ಹಾಣಿಂ ಸಂಗೀತಾ ವಿಶಿಂ ತಿಳ್ಸಿಲೆಂ ಆನಿಂ ಬರೆಂ ಮಾಗ್ಲೆಂ  ಕೋಯಾರ್ ಸಾಂದೊ ಪ್ರಿಯಾಂಕ ಲೋಯ್ ಮಾರ್ಟಿಸ್ ಹಿಣೆಂ ಎಕ್ ಕೊಯಾರ್ ಸಾಂದೊ ಜಾವ್ನ್ ತಿಚಿಂ ಭೊಗ್ಣಾ  ಆನಿ ಅನ್ಬೋಗ್ ಉಚಾರ್ಲೊ.

ಶ್ರೀಮತಿ ನ್ಯಾನ್ಸಿ ಕಾರ್ಡೊಜಾ ಹಿಣೆಂ ಧನ್ಯವಾದ್ ಪಾಟಯ್ಲೆ. ಗಾಯನ್ ಆನಿ ಖೆಳಾ ಮುಖಾಂತ್ರ್ ಮಟ್ವೆಂ ಮನೋರಂಜನ್ ಕಾರ್ಯೆಂ ಮಾಂಡುನ್ ಹಾಡ್ಲೆಂ. ವಿಜೇತಾಂಕ್ ವಿಗಾರ್ ಬಾಪಾನಿ ಇನಾಮಾಂ ದಿಲಿಂ.

ಕೊಯಾರ್ ಸಾಂದ್ಯಾನಿಂ ರಾಂದುನ್ ಹಾಡ್ ಲ್ಲೆಂ  ರುಚಿಕ್ ಜೆವಾಣ್ ಸರ್ವಾಂನಿಂ ಸ್ವೀಕಾರ್ ಕೆಲೆಂ. ಹ್ಯಾ ಸಗ್ಳ್ಯಾ ಕಾರ್ಯಾಚೆಂ ಕಾರ್ಯ ನಿರ್ವಹಣ್ ಕೊಯಾರ್ ಸಾಂದೊ ಶ್ರೀಮತಿ ಸುನೀತಾ ಪಿಂಟೊ ನ್ ಕೆಲೆಂ.