ಸಾಂ ಪಾವ್ಲ್ ಫಿರ್ಗಜ್, ಬಳ್ಕುಂಜೆ-ಸ್ತ್ರೀಯಾಂಚೊ ದೀಸ್ ಆಚರಣ್

ಅಂತರಾಷ್ಟ್ರೀಯ್ ಸ್ತ್ರೀಯಾಂಚಾ ದಿಸಾ ತರ್ಫೆನ್ ಆಮ್ಚ್ಯಾ ಫಿರ್ಗಜೆಂತ್  10/03/2024 ವೆರ್ ಸ್ತ್ರೀಯಾಂಚೊ ದೀಸ್ ವೆರೊನಿಕಾ ಸ್ತ್ರೀ ಸಂಘಟನ್,ಸ್ತ್ರೀಯಾಂಚೊ ಆಯೋಗ್, ಕುಟ್ಮಾ ಆಯೋಗ್, ಯುವ ಆಯೋಗ್,ವಾವ್ರಾಡ್ಯಾಂಚೊ ಆಯೋಗ್ , ಕಥೊಲಿಕ್ ಸಭಾ ಆನಿ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಹಾಂಚ್ಯಾ ಮುಖೆಲ್ಪಣಾರ್ ಮಾಂಡುನ್ ಹಾಡ್ಲೊ. ಹ್ಯಾ ಕಾರ್ಯಾಂತ್ ಸಂಪನ್ಮೂಲ್ ವ್ಯಕ್ತಿ ಜಾವ್ನ್ ಡೊ.ಸಿ. ಸೆವ್ರಿನ್ ಮಿನೇಜಸ್ SAP,  ನಿರ್ದೇಶಕ್, ಕೌನ್ಸೆಲಿಂಗ್ ಸೆಂಟರ್ ಮುಲ್ಕಿ  ಹಾಜರ್ ಆಸ್ಲಿ. ಸ್ತ್ರೀಯಾಂಚಾ ಮಾನಸಿಕ್ ಭಲಾಯ್ಕೆ ವಿಶಿಂ ಗರ್ಜೆಚಿ ಮಾಹೆತ್ ತಾಣಿಂ ದಿಲಿ,  ತಶೆಂಚ್ ಡಯಾಬಿಟೀಸ್, ಅಧಿಕ್ ರಕ್ತದೊತ್ತಡ್ ನಿಯಂತ್ರಣಾರ್ ದವ್ರುಂಕ್ ಗರ್ಜೆಚೆ ಥೆರಾಪಿ ವಿಶ್ಯಾಂತ್ ಮಾಹೆತ್ ದಿಲಿ. 

ಐಸಿವೈಮ್ ಆನಿ ವೈಸಿಎಸ್  ಸಾಂದ್ಯಾಂನಿ ಸ್ತ್ರೀಯಾಂ ಖಾತಿರ್ ಝುಂಬಾ ಡ್ಯಾನ್ಸ್  ಮಾಂಡುನ್ ಹಾಡ್ಲೆ .ಡಾ. ಫ್ರೀಡಾ ರೊಡ್ರಿಗಸ್ ಹಾಣಿಂ ಸ್ತ್ರೀಯಾಂ ಖಾತಿರ್  ಮನೋರಂಜನ್ ಖೆಳ್ ಚಲವ್ನ್ ವೆಲೆ.  ವೆದಿ ಕಾರ್ಯಕ್ರಮಾಚೆಂ ಅಧ್ಯಕ್ಷ್ ಸ್ಥಾನ್ ಘೆತ್ ಲ್ಲ್ಯಾ  ಮಾ.ಬಾ.ಪಾವ್ಲ್ ಸಿಕ್ವೇರ ಹಾಣಿಂ ಸ್ತ್ರೀಯಾಂಕ್ ಶುಭಾಶಯ್ ಪಾಟವ್ನ್ ಬರೆಂ ಮಾಗ್ಲೆಂ.  ಸ್ತ್ರೀ ಸಂಘಟನಾಚಿ ನಿಕಟ್ ಪೂರ್ವ್ ಅಧ್ಯಕ್ಷ್ ಶ್ರೀಮತಿ ಅನಿತ ಡಿಸೋಜ ಹಾಣಿಂ ಉಲವ್ನ್ ಸ್ತ್ರಿಯೆನ್ ಹೆರಾಂವಿಷ್ಯಾಂತ್ ಚಿಂತ್ಚ್ಯಾ ಸವೆಂ ಆಪ್ಣಾಚಾ ದೈಹಿಕ್ ಆನಿ ಮಾನಸಿಕ್ ಭಲಾಯ್ಕೆ ವಿಶಿಂ ಗಮನ್ ದೀಜಯ್. ಬರೆಂ ಖಾಣ್ ಬರೆಂ ಚಿಂತಾಪ್ ಬರ್ಯಾ ಭಲಾಯ್ಕೆಕ್ ಆಧಾರಾಚೆ ಮ್ಹಣ್ ತಿಳ್ಸಿಲೆಂ.  ಮುಖೆಲ್ ಸಯ್ರಿ ಜಾವ್ನ್ ಡೊ.ಸಿ.ಸೆವ್ರಿನ್ ಮಿನೇಜಸ್ ಹಾಜರ್ ಆಸ್ಲಿ. ವೆದಿಚೆರ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾಧ್ಯಕ್ಷ್ ಡಾ.ಫ್ರೀಡಾ ರೊಡ್ರಿಗಸ್ , ಕಾರ್ಯದರ್ಶಿ ಶ್ರೀಮತಿ ನ್ಯಾನ್ಸಿ ಕಾರ್ಡೋಜ,  ಆಯೋಗ್ ಸಂಯೋಜಕ್ ಶ್ರೀಮತಿ ಲವೀನ ಸೆರಾವೊ, ವೆರೊನಿಕಾ ಸ್ತ್ರೀ ಸಂಘಟನ್ ಉಪಾಧ್ಯಕ್ಷ್ ಶ್ರೀಮತಿ ಸಿಂತಿಯಾ ಡಿಸೋಜ,  ಕಾರ್ಯದರ್ಶಿ ಸುನೀತ ಪಿಂಟೊ, ಕಥೊಲಿಕ್ ಸಭಾ ಅಧ್ಯಕ್ಷ್ ಕುಮಾರಿ ಮೆಲ್ರೀಡ ಜೇನ್ ರೊಡ್ರಿಗಸ್, ವಾವ್ರಾಡ್ಯಾಂಚಾ ಆಯೋಗಾಚಾ ಸಂಚಾಲಕಚಾ ಅನುಪಸ್ಥಿತೆಂತ್ ಶ್ರೀ ಮೊತೆಸ್ ಡಿಸೋಜ , ಯುವ ಆಯೋಗ್ ಸಂಚಾಲಕ್ ಆನಿ ಐಸಿವೈಮ್ ಅಧ್ಯಕ್ಷ್ ಕುಮಾರಿ ನೆಲಿಶ ಲೋಬೊ ಹಾಜರ್ ಆಸ್ ಲ್ಲಿಂ. ಶ್ರೀಮತಿ ರೇಶ್ಮಾ ಮಿನೇಜಸ್ ಹಿಣೆಂ ಸರ್ವಾಂಕ್ ಸ್ವಾಗತ್ ಕೆಲೊ.ಶ್ರೀಮತಿ ಸುನೀತ ಡಿಸೋಜಾನ್ ಸರ್ವಾಂಚೊ ಉಪ್ಕಾರ್ ಭಾವುಡ್ಲೊ. ಶ್ರೀಮತಿ ಲವೀನ ಡಿಸೋಜ ಆನಿ ಶ್ರೀಮತಿ ಫೆಲ್ಸಿ ಫೆರ್ನಾಂಡಿಸ್ ಹಾಣಿಂ ಕಾರ್ಯೆಂ ಚಲವ್ನ್ ವೆಲೆಂ. ಸುಮಾರ್ 150 ಜಣಾಂ ಹ್ಯಾ ಕಾರ್ಯಾಕ್ ಹಾಜರ್ ಆಸ್ಲಿಂ. ಸರ್ವಾಂಕ್ ಸಕಾಳಿಂಚೊ ಫಳ್ಹಾರ್ ಆನಿ ಜೆವ್ಣಾಚಿ ಮಾಂಡಾವಳ್ ಕೆಲ್ಲಿ.