ಕ್ರಿಸ್ಮಸ್ ಬಂಧುತ್ವ' ಆಚರಣ್ December 2023

23 ಡಿಸೆಂಬರ್ 2023 ವೆರ್ ಭಾರತೀಯ್ ಕಥೊಲಿಕ್ ಯುವ ಸಂಚಾಲನ್ ಬಳ್ಕುಂಜೆ ಘಟಕಾನ್ ವ್ಹಡಾ ದದಬಾಜಾನ್ ಫಿರ್ಗಜ್ಗಾರಾಂ ಸವೆಂ ಆನಿ ಗಾಂವ್ಚ್ಯಾ ಅಕ್ರಿಸ್ತಾಂವ್ ಲೊಕಾ ಸವೆಂ 'ಕ್ರಿಸ್ಮಸ್ ಬಂಧುತ್ವ' ಆಚರಣ್ ಕೆಲೆಂ. ಕಾರ್ಯಕ್ರಮ್   ಬಳ್ಕುಂಜೆ ಪೆಂಟೆಂತ್ ಸಾಂಜೆರ್ 5:00 ವರಾರ್ ಆರಂಭ್ ಜಾಲೆಂ. ಹ್ಯಾ ಕಾರ್ಯಾಕ್ ಮಾನಾಚಿಂ ಸಯ್ರಿಂ ಜಾವ್ನ್ ಮಾ.ಬಾ. ಪಾವ್ಲ್ ಸಿಕ್ವೇರ, ವಿಗಾರ್ ಸಾಂ ಪಾವ್ಲಾಚಿ ಫಿರ್ಗಜ್ ಬಳ್ಕುಂಜೆ, ಶ್ರೀ ಸುಬ್ರಹ್ಮಣ್ಯ ಭಟ್, ಗುರು,  ಶ್ರೀ ಮಹಾಲಿಂಗೇಶ್ವರ ದೀವ್ಳ್ ದೇಂದಡ್ಕ, ಮೊಹಮ್ಮದ್ ಶರೀಫ್ ಹನೀಫಿ, ಉಸ್ತಾಧ್ ಬಳ್ಕುಂಜೆ ಮಸೀದಿ, ಶ್ರೀಮತಿ ಮಮತಾ ಡಿ ಪೂಂಜಾ, ಬಳ್ಕುಂಜೆ ಪಂಚಾಯತ್ ಅಧ್ಯಕ್ಷ್, ಡಾ ಫ್ರೀಡಾ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪಾದ್ಯಕ್ಷ್ ಹಾಜರ್ ಆಸ್ಲಿಂ. ಮಾನಾಚ್ಯಾ ಸಯ್ರ್ಯಾನಿಂ ಜಮ್ಲೆಲ್ಯಾ ಸಮೇಸ್ತಾಂಕ್ ಬಂಧುತ್ವಾಚೊ  ಸಂದೇಶ್ ದಿಲೊ. ಉಪ್ರಾಂತ್ ಕ್ರಿಸ್ಮಸ್ ಟ್ಯಾಬ್ಲೋ ಪ್ರದರ್ಶನ್ ಕೆಲೊ. ಹಾಜರ್ ಆಸ್ ಲ್ಲ್ಯಾ ಸರ್ವಾಂಕ್  ಕುಸ್ವಾರ್ ವಾಂಟುನ್ ಕಾರ್ಯೆಂ ಅಕೇರ್ ಕೆಲೆಂ. ಶ್ರೀ ಕೊಲಿನ್ ಡಿಸೋಜ, ಐಸಿವೈಎಮ್ ಬಳ್ಕುಂಜೆ ಸಚೇತಕ್ ಹಾಣಿಂ ಜಮ್ಲೆಲ್ಯಾ ಸಮೇಸ್ತಾಂಕ್ ಸ್ವಾಗತ್ ಕೆಲೊ, ಕು ರೆನಿಶ ರೊಡ್ರಿಗಸ್ ಹಾಣಿಂ ಕಾರ್ಯಾಕ್ ಕುಮಕ್ ಕೆಲ್ಲ್ಯಾಂಚೊ ಉಪ್ಕಾರ್ ಬಾವುಡ್ಲೊ, ಕು ಜೊನಿಟ ಡಿಸೋಜ ಹಾಣಿಂ ಕಾರ್ಯನಿರ್ವಹಣ್ ಕೆಲೆಂ.

ಹಾಚೆ ಉಪ್ರಾಂತ್ ಫಿರ್ಗಜ್ ಮಟ್ಟಾರ್ ಕ್ರಿಸ್ಮಸ್ ಆಚರಣ್ ಕೆಲೆಂ. ಹ್ಯಾ ಕಾರ್ಯಾಕ್ ಮಾ. ಬಾ. ಪಾವ್ಲ್ ಸಿಕ್ವೇರ, ವಿಗಾರ್ ಸಾಂ ಪಾವ್ಲಾಚಿ ಫಿರ್ಗಜ್ ಬಳ್ಕುಂಜೆ, ಡಾ ಫ್ರೀಡಾ ರೊಡ್ರಿಗಸ್, ಫಿರ್ಗಜ್ ಗೊವ್ಳಿಕ್ ಪರಿಷದ್ ಉಪದ್ಯಕ್ಷ್ , ಶ್ರೀಮತಿ ನ್ಯಾನ್ಸಿ ಕಾರ್ಡೋಜ, ಕಾರ್ಯದರ್ಶಿ, ಶ್ರೀಮತಿ ಲವೀನ ಸೆರಾವೊ, ಸರ್ವ್ ಆಯೊಗಾಚಿ ಸಂಚಾಲಕ್, ಶ್ರೀ ಕೊಲಿನ್ ಡಿಸೋಜ, ಐಸಿವೈಎಮ್ ಬಳ್ಕುಂಜೆ ಸಚೇತಕ್ ತಶೆಂಚ್ ಆಮ್ಚೊ ಯುವಕ್ ಸಂಪಾದಕ್, ಕು ನೆಲಿಶಾ ಲೋಬೊ, ಐಸಿವೈಎಮ್ ಬಳ್ಕುಂಜೆ ಅಧ್ಯಕ್ಷ್ ಆನಿ ಕು ನೇಹ ಸೆರಾವೊ, ಕಾರ್ಯದರ್ಶಿ ಹಾಜರ್ ಆಸ್ಲಿಂ. 

ಮಾಗ್ಣ್ಯಾ ಸವೆಂ ಕಾರ್ಯಕ್ರಮ್ ಆರಂಭ್ ಕೆಲೆಂ. ಸಂತ ಕ್ಲೋಸಾ ಸವೆಂ ವೆದಿರ್ ಹಾಜರ್ ಆಸ್ಲ್ಯಾ ಸರ್ವಾಂನಿ  ಕ್ರಿಸ್ಮಸ್ ಕೇಕ್ ಕಾತುರ್ನ್ ನತಾಲಾಂಚೊ ಸಂತೊಸ್ ವಾಂಟುನ್ ಘೆತ್ಲೊ. . ವಿಗಾರ್ ಬಾಪಾಂನಿ ತಾಂಚೊ ಸಂದೇಶ್ ದಿಲೊ. . ವಾಡ್ಯಾಚ್ಯಾ ಗುರ್ಕಾರಾಂಕ್ ತಶೆಂಚ್ ವಿವಿಧ್ ಸಂಘಾಚ್ಯಾ ಅಧ್ಯಕ್ಷಾಂಕ್ ಮುಕಾರ್ ಆಪವ್ನ್ ಹ್ಯಾ ಕಾರ್ಯಾಕ್ ತಾಣಿಂ ದಿಲ್ಲ್ಯಾ ಸಹಕಾರಾಕ್ ಆನಿ ತಾಂಚ್ಯಾ ಹುಮೆದಿಕ್ ತಾಂಕಾ ಮಾನ್ ಕೆಲೊ. ಉಪ್ರಾಂತ್ ವಸ್ತು ದಾನ್ ದಿಲ್ಲ್ಯಾಂಕ್ ಆನಿ ಆರ್ಥಿಕ್ ರಿತಿನ್ ಕುಮಕ್ ಕೆಲ್ಲ್ಯಾಂಕ್ ಮಾನ್ ಕೆಲೊ. 'ಕೃಷಿ-ಖುಷಿ' ಕಾರ್ಯಾ ವೆಳಾರ್ ಲುಂವ್ಲೆಲೆಂ ಭಾತ್ ದಾನ್ ದಿಂವ್ಚ್ಯಾ ಇರಾದ್ಯಾನ್ ಸಾಂ ವಿಶೆಂತ್ ಪಾವ್ಲ್ ಸಭಾ ಬಳ್ಕುಂಜೆಚ್ಯಾ ಅಧ್ಯಕ್ಷಾಕ್ ದಿಲೆಂ.

ಹಾಚೆ ಉಪ್ರಾಂತ್ ಸಾಂಸ್ಕೃತಿಕ್ ಕಾರ್ಯೆಂ ಆರಂಭ್ ಕೆಲೆಂ. ಫಿರ್ಗಜ್ಗಾರಾಂ ಥಾವ್ನ್ ನಾಚ್, ಪದಾಂ, ನಾಟ್ಕುಳೊ ಅಶೆಂ ವಿವಿಧ್ ರಿತಿಚೆಂ ಮನೋರಂಜನ್ ಕಾರ್ಯೆಂ ಆಸಾ ಕೆಲ್ಲೆಂ. ಉಪ್ರಾಂತ್ ಬೈಲಾ ನಾಚ್ ಆಸಾ ಕೆಲ್ಲೊ. ಸರ್ವಾಂಕ್ ಜೆವ್ಣಾಚಿ ಮಾಂಡಾವಳ್  ಕೆಲ್ಲಿ. ಅಶೆಂ ಆಮ್ಚೆಂ ಕ್ರಿಸ್ಮಸ್ ಆಚರಣ್ ಸಂಪ್ಲೆಂ. 

ಹ್ಯಾ ಕಾರ್ಯಾಕ್ ಕು ನೆಲಿಶಾ ಲೋಬೊ ಹಾಣಿಂ ಜಮ್ಲೆಲ್ಯಾ ಸಮೇಸ್ತಾಂಕ್ ಸ್ವಾಗತ್ ಕೆಲೊ, ಕು ನೇಹ ಸೆರಾವೊ ಹಾಣಿಂ ಕಾರ್ಯಾಕ್ ಕುಮಕ್ ಕೆಲ್ಲ್ಯಾಂಚೊ ಉಪ್ಕಾರ್ ಬಾವುಡ್ಲೊ, ಕು ಕ್ಲೆರಿಸ್ಸಾ ಕರ್ಡೋಜ ಹಾಣಿಂ ಕಾರ್ಯನಿರ್ವಹಣ್ ಕೆಲೆಂ.

Click Below for More Photos and Videos