ಬಳ್ಕುಂಜೆಚಿ ವಾರ್ಷಿಕ್ ಖುರ್ಸಾ ವಾಟ್ 17-03-2024 - ಖುರ್ಸಾ ಗುಡ್ಯಾಕ್

ಸಾಂ ಪಾವ್ಲ್ ಫಿರ್ಗಜ್, ಬಳ್ಕುಂಜೆ

ಕರೆಜ್ಮಾಚೊ ಕಾಳ್  ಜೆಜುಚಾ ಪಾಶಾಂವಾಂತ್ ಸಾಂಗಾತ್ ದಿಂವ್ಚ್ಯಾ ಸವೆಂ  ಆಮ್ಚ್ಯಾ ಜಿಣ್ಯೆಚೆರ್ ನದರ್ ಘಾಲುಂಕ್  ಆಮ್ಕಾಂ ಲಾಭ್ ಲ್ಲೊ  ಭಾಗಿ ಅವ್ಕಾಸ್. ಆನಿ ಖುರ್ಸಾಚಿ ವಾಟ್ ಆಮ್ಕಾಂ ಹ್ಯಾ ದಿಶೆನ್ ಜಾಯ್ತ್ಯಾ ಆಧಾರಾಚಿ ಜಾತಾ. ಖುರ್ಸಾ ವಾಟೆ ಮುಖಾಂತ್ರ್ ಜೆಜುಚೆ ಕಷ್ಟ್ ನಿಯಾಳ್ಚ್ಯಾ ಸವೆಂ , ಆಮ್ಚೆಂಚ್ ಅವಲೋಕನ್ ಕರುಂಕ್ ಕುಮಕ್ ಮೆಳ್ತಾ.

 ಹ್ಯಾಚ್ ಉದ್ದೇಶಾನ್ ಆಮ್ಚ್ಯಾ ಫಿರ್ಗಜೆಂತ್ 17-03-2024 ವೆರ್ ಸಾಂಜೆರ್ 5:00 ವರಾರ್  ಹಾಂಗಾಸರ್ ಆಸ್ಚ್ಯಾ ಖುರ್ಸಾ ಗುಡ್ಯಾಕ್ ಖುರ್ಸಾ ವಾಟೆಚಿ ಮಾಂಡಾವಳ್ ಕೆಲ್ಲಿ. 2025 ವ್ಯಾ ಜುಬ್ಲೆವ್ ವರ್ಸಾಕ್ ತಯಾರಾಯ್ ಜಾವ್ನ್ ಮಾಗ್ಣ್ಯಾಕ್ ಸಮರ್ಪಿಲ್ಲ್ಯಾ ಹ್ಯಾ ವರ್ಸಾ ಮಾಗ್ಣ್ಯಾಚಾ ಧ್ಯೇಯಾಚೆರ್ ಖುರ್ಸಾ ವಾಟ್ ಚಲವ್ನ್ ವೆಲಿ. ಇಗರ್ಜೆ ಥಾವ್ನ್ ಖುರ್ಸಾ ಗುಡ್ಯಾ ಪರ್ಯಾಂತ್ 14 ಸ್ತೆಸಾಂವಾ ನಿಯಾಳ್ನ್ , ಕಂತಾರಾ ಸವೆಂ ಜೆಜುಚಾ ಸಾಂಗಾತ್ಪಣಾಂತ್ ತಾಚಾ ಪಾಶಾಂವಾಚೊ ನಿಯಾಳ್ ಕೆಲೊ .  ವಿಗಾರ್ ಮಾ.ಬಾ.ಪಾವ್ಲ್ ಸಿಕ್ವೇರ,  ಧಾರ್ಮಿಕ್ ಭಯ್ಣಿ,  ತಶೆಂಚ್ ಸುಮಾರ್ 300 ಫಿರ್ಗಜ್ ಗಾರಾಂನಿ ಹಾಂತು ಭಕ್ತಿನ್ ಭಾಗ್ ಘೆತ್ಲೊ.