ಸಾಂ ಪಾವ್ಲ್ ಫಿರ್ಗಜ್, ಬಳ್ಕುಂಜೆ - ಯಾತ್ರಿಕ್ ಪಯ್ಣ್

ಕರೆಜ್ಮಾಚೊ ಕಾಳ್ ಕುರ್ಪೆಚೊ ಕಾಳ್. ಆಮ್ಚ್ಯಾ ಅತ್ಮಿಕ್ ಜಿವಿತಾ ಮುಕಾಂತ್ರ್ ಸೊಮ್ಯಾಕ್ ಚಡ್ ಲಾಗಿಂ ಸರೊಂಕ್ ಮೆಳ್ಚೊ ಅಪುರ್ಬಾಯೆಚೊ ಅವ್ಕಾಸ್. ಚಡಿತ್ ವೇಳ್ ಮಾಗ್ಣ್ಯಾಂತ್ ಆನಿ ಭಕ್ತಿಚಾ ಕಾಮಾಂತ್ ಖರ್ಚುನ್, ದೆವಾ ಆನಿ ಪೆಲ್ಯಾ ಸಂಗಿಂ ಬರ್ಯಾ ಸಂಬಂಧಾಂತ್ ಜಿಯೆಂವ್ಕ್ ಗರ್ಜ್ ಆಸ್ಚಿ ಅತ್ಮಿಕ್ ಘಟಾಯ್ ಜೊಡುಂಕ್ ಆಸ್ಚೊ ಆಯಿನ್ನ್ ಕಾಳ್. ಹ್ಯಾ ಖಾತಿರ್ ಫೆಬ್ರವರಿ 26 ತಾರಿಕೆರ್ ಫಿರ್ಗಜ್ಗಾರಾಂ ಖಾತಿರ್ ಎಕಾ ದಿಸಾಚೆಂ ಯಾತ್ರಿಕ್ ಪಯ್ಣ್ ಆಸಾ ಕೆಲ್ಲೆಂ. ಉಡುಪಿ ದಿಯೆಸೆಜಿಚಾ ಸಾಂ ಅಂತೊನ್ ಪೂನ್ ಶೆತ್ ಕೆರೆಕಟ್ಟೆ, ಸಾಂ ಅಂತೊನ್ ಇಗರ್ಜ್, ಕಂಡ್ಲೂರು,  ಮಿಲಾಗ್ರಿಸ್ ಕಾಥೆಡ್ರಾಲ್, ಕಲ್ಯಾನ್ಪುರ್, ಭಾಗೆವಂತ್ ಕುಟ್ಮಾಚಿ  ಇಗರ್ಜ್, ಬ್ರಹ್ಮಾವರ್, ವೆಲಂಕಣಿ ಮಾಯೆಚಿ ಇಗರ್ಜ್,  ಕಲ್ಮಾಡಿ, ಸಾವುದ್ ಮಾಯೆಚಿ ಇಗರ್ಜ್, ಶಿರ್ವಾಂ ಹಾಂಗಾಸರ್ ಭೆಟ್ ಕೆಲಿ. ವಿಗಾರ್ ಮಾ.ಬಾ.ಪಾವ್ಲ್ ಸಿಕ್ವೇರ ಹಾಣಿಂ ಹರ್ಯೇಕಾ ಇಗರ್ಜೆಚಿ ವಿಶೇಷತಾ ಮಟ್ವ್ಯಾನ್ ವಿವರ್ಸುನ್ ಮಾಗ್ಣೆಂ ಆನಿ ಧ್ಯಾನಕ್ ಆವ್ಕಾಸ್ ಕರುನ್ ದಿಲೊ. 

ಸುಮಾರ್ 50 ಫಿರ್ಗಜ್ಗಾರಾಂನಿ ಹಾಂತು ಭಾಗ್ ಘೆತ್ಲೊ.